ديزج هارايي
آذربايجان وديزج علي قلي بيگ
یاییلیب : سه شنبه 14 آذر 1391 | یازار : taymaz | بؤلوم : بيلگي | 1 باخيش لار
اليمي   گل لره  چكديم  سني  احساس   ائله‌ ديم

قولاق   آسديم  يئله   آوازيني   احساس   ائله‌ ديم

آنا   جان   دردين    آليم   جان   سنه   قربان  جانيم

آنا    جان   آغرين   آليم    جانينه     قربان     جانيم

گؤزومون  نورو   حياتيم   شعمي    جانيم    داياغيم

گؤرورم   سنسيز   ائوي  هئچ   يئره   گئتمير  آياغيم

هم  آنايدين  هم آتا   همده   باجي     هم  قارداش

هم  معلُم   هه مي  عاليم هه‌ مي  جانان  يولداش

سن  بيليردين   دؤزوموم   يوخدو   منيم  قاچدين آنا

ئولومو   گؤردون   و  مهرينله    قوجاق   آچدين   آنا

يانديم  اي  وقتي  ائشيديم   كي گئديرسن سفره

ندن  آخر   چاليشيردين    تله‌ سيردين        سفره

سن  سئويندين  گئده‌ سن  بس نييه  من يانديم آنا

سن  گئدندن  سورا   گؤردوم   گئنه  تك  قالديم آنا

چوخ اوشاق گؤرمو شودوم كي آناسي گئتميشيدير

آغلاييردي  اودا  من  تك    ائله بيل      ايتميشيدير

قيساجا    سؤزلريني   قلبيمه   حك   ايله ميسن 

كيم  دانيشديقجا  دوشورسن  يادا گؤر نيله ميسن

نييه   گئتدين   مني   قويدون  گؤزوم  آغلار قالسين

بالام  آغلار   باجيم   و   قارداشيم   آغلار   قالسين

كاش   اولايدي   قاراگون  سنده  قاليردين  مني لن

كاش گؤريديم  سني  هردم  دانيشايدين   مني لن

آنا  دئييلر  كي  قيچين آلتدا    بئهشتين        واردير

توت   اليمدن     آنا   بيليرم   منه    عشقين واردير
یارپاق لار :

<


Powerd By : ARZUBLOG.COM Theme Designer : Blogskin.ir